Kontakt / LageplanSuche

Gedicht zur Entstehung der Gemeindeseite

"reformiert"

 

Vier Lütli tüe interessiert

d Gmeindsite gschtalte für "reformiert"

 

Zersch het eini flyssig notiert,

was ir Chirchgmeind so passiert,

en angere het ds Ganze formuliert,

bbüschelet und redigiert,

eine macht ds Layout und isch dra interessiert,

dass wieder en angeri alls korrigiert,

Fähler suecht und reklamiert.

 

 Monet für Monet wird so kreiert

d Gmeindsite vo Stettle in "reformiert"

 

Jetz bruucht's no Lütli, wo's interessiert,

was i dr Chirchgmeind ächt passiert,

so dass sech d Arbeit het rentiert,

für die, wo flyssig hei notiert,

gschtudiert, formuliert

und redigiert,

korrigiert und arrangschiert,

 

und so gmeinsam hei kreiert

d Stettler Site vo "reformiert"